عجاااايب العمانين

السلام عليكم جبت لكم موضوع واتمنى انشاء الله يعجبكم

عجااايب الشعب العماني العجيب

ومحافظته عالبيئه

والدليل منهج العمانيين في عملية إعادة التدوير

وهذي بعض الأمثلة

اللباس العماني في حالة قدمه وعدم الرغبه في إرتدائه مرة أخرى

الوزار:
1- يستخدم كفوطه
2- يستخدم كلحاف عن البرد
3- يسوى منه صوار حال الفلج
4- يشرخ ويسوى منه شناطيط
5- يشرخ ويسوى منه فوط حال تنظيف السيكل

الدشداشه :
1- بتعطيها أخوك الصغير يلبسها بعد أن يقصرها
2- تستخدم كفزاعه حال الطيور عن يجين يوكلن من جلبة الذره

الفانيله:
1- تستخدم في المطبخ يوم تبغى تمسك الصفريه وهيه صخنه
2- تستخدم كفوطه لتنظيف الدرايش والطاولات

الليسو :
1- يلحف به الصغير يوم ينام
2- يقمط به الصغير
3- يستخدم كوعاء للجحله يوم تركب فوق الراس

العبايه :
1- أيعطيوها الشغاله تلبسها ولو تموت ما أيفصلها جديده

الشيلة :
1- يلحفبها عسقة الرطب عن الطيور تااكل من الرطب
2- يشل عليها حزمة القت ولا الحشيش بعد الجز والحشاش

النعال :
1- مطرقه لتكسير الجوز
2- أداة قتل للصراير فما في داعي تشتري فليت

الأدوات المنزلية

كرتون الطماط :
1. يحرق ويسوى منه صخام حال مجمر البخور
2. يستخدم كرسي يوم تجلس الحرمه تخبز على الطوبج
3. يستخدم كبيوت للحمام

غرشة الفيمتو يوم تخلص :
1. تستوي غرشة عسل
2. تستوي غرشة ماء ورد
3. تستوي غرشة زموتا

غرشة التانج :
1. يسوى فيها بخور
2. يسوى فيها محلب
3. يسوى فيها صندل ولا دهان حال العجايز

دبة الزيت :
1. تغسل وسوى فيها ماي من الطوي وتخلى في الثلاجه ماي للشرب
2. تقص وتستخدم في حمامات المساجد ..الله يعزكم..

الجرائد :
1. مفرش للأكل
2. مفرش لقفص الحمام

التيوب :
1. جلده حال النشاب
2. طوق نجاه حال بو يتسبحوا في اللجل والجبي

القواطي :
1. أيسوابهن شبح حال التنقيع بالكسر
2. أيفعصن وأيلايمن فجونيه وأيباعن

الوايرات :
1. أيحرقن وأيباعن كصفر
2. يستخدمن كمرواح أو حال تعليق الملابس عشان يجفن بعد الغسيل

الأكل والغذاء

العجل بعد ما يذبح وياكل اللحم والشحم :

1. الإيهاب أو الجلد ايسوى منه طبل
2. المصارين أيسوى منهن معاصيب
3. الكرش بعد ما تنظف أتقلى وأيصيح الجرع فيها
4. العظام أيوغرن وأيثورعليهن بماي وبعدين أياكلن سوب
5. الراس تفت عينه فت وحتى العيون واللسان ما أيسلمن
---------------------

م شاء الله ع العمانين

يحبون يستفيدون من خامات البيئة بشكل كبير وفعال

وهذا دليل على الذكاء

تسلمين

هههههههههههههههههههه

صرااااحه العمانيه بنك من الأفكار

تسلمون رهوفه

عيل شو مفكرين لعمانيين ما يفكرو في الأجيال القادمة

أحلى شي في العمانيين يعرفوا كيف يستغلوا الشي

هع

صحيح أنها عجايب

ههههههههه

بصراحه شي واقعي وجميل جدا

فاهمين الاقتصاد زين

وغرشة التانج يحطو فيها الزيت بعد .. خخخ

ثانكس رهف