مريض ولكن منبووووذ!!!!

بداية اسمحو لي ان اقتبس هالقصه من احد المنتديات اللي حقيقتا قريتها وشدة انتباهي

وحبيت اطرحها هني واخذ رايكم طبعا القصه انا نقلتها كما كتبتها صاحبة القصه بالظبط

اقتباس :

بسم الله الرحمن الرحيم

والسلام
عليكم ورحمه الله وبركاته .. والشهر عليكم مبارك

موضوعي اليوم حساس جدا واتمنى من كل قلبي العذر والسموحه لكل المصابين
بهالمرض المدمر والله يعافيهم ويشفيهم ولا يورينا مانكرة

بصراحه صار لي موقف ابي احيلكم عنه عشان اقدر ابين لكم الصورة واضحه
للموضوع ..

انا لي قريب من العيله مصاب بالايدز ..
لكن والله ماني عارفه اذا هو ناقل او حاضن للايدز ..

المعلومه الي عندي بس انوالحاضن اهون من الناقل له .. كنت عند امي نفاس
توني والده ,

ولي فترة كبيرة ماشفت قريبي هذا ..
سمعت بانه جاي وسالت ليه طلع من المستشفى قالولي صار احسن

طيب طيب .. بلاش اصير معقده وجاهله ومتخلفه ولازم اتعامل معه بشكل حضاري
وبعقلانيه ..

الموضوع مايخوف والمفروض تنعامل معه
زي قبل واحسن كمان ..

جانا وجلسنا معاه وسولفنا
وقدمنا له عصير وشرب منه وبعدها استاذن وراح لانه مواعد خالي بيروح
له
طبعا انا ماوريته المولود الجديد كنت متخوفه شوي وهو
ياعمري ماطلب يشوفه حده قالي مبروك

سبحان الله شالو
خواتي الي موجود كله الا كاس العصير الي بعده وراحوا المطبخ .. ناديت بنتي وقلت ودي
هالكاس للمطبخ

صار امي بالعاني مخليته عشان تغسله
لحاله .. نمت وراحت بنتي المدرسه وعلى الساعه 8 الصباح
سمعت احد باذني يقول ياغبيه بنتك شربت من الكاس .. اقسم بالله العظيم
ياخلق باني قمت من نومي وانا اشهق
يمه بنت ..
!
قمت على رجولي استرجع الي صار .. ايه ممكن تكون شربت

طيب لين شربت وش بيصير
زين
هو بيبين ولا لا
وش ممكن اسوي اعطيها مضاد اعطيها دوا
اوديه المستشفى
هرولت داخل الغرفه
ضربت اخماس باسداس
طلعت برا بالحوش اروح
اجيبها من المدرسه اجيبها ليه
جلست قمت بكيت

توجعت والله العظيم توجعت
مر علي شريط حياة بنتي كله قدام عيني .. ةالله العظيم الحين اكتب
الموضوع وانا ابكي .. لان فعلا
انفجعت على بنتي فجعه ..
الله يكفيكم شرها

شفتها قدان عيني وهي تضحك واول
ماولدتها واول ماجلست واول مامشت ولماقالت ماما وهي تبكي وانا اروشها
..

وشفتها وهي بالمستشفى باجهزه ومتاكله وبعيونها
ملامه لي .. ياااااارب
خضيت راسي ما ابي اشوفها
بهالصورة .. لا ابيها تكبر ابيها تنجح ابي اشوفها متفوقه متزوجه

ابي اشوفها دكتورة لا ممرضه لا مديرة اي شي بس
ابيها تكبر ظليت على هالحال من 8 الصباح
الى الساعه 11
قامت امي تبي تغديني
ومالقتني بالفراش ولما طلعت شافتني
.. الطم واولول .. قالتلي وش فيك وقلت لها ..

هدتني
وقالت لي لا يمكن ماشربت قلت ويمكن شربت
قالت هي جابته
مليان مدري ما انتبهت لايمكن جابته ناقص شوي لا يمكن .. وسكتت
قالت بصوت هادي قومي تعوذي من الشيطان انشاء الله
خير

كنت ادري انها ارتاعت مثلي وتبي تهديني بس ..
والله شفت الروعه بعيونها لانها دخلت على طول
وياعمري
اثرها .. كانت اخس مني ليه .. قالت لي بعدين لاني لمت نفسي انا الي استضفته وعندي
صغار
وانا لمت نفسي انا الي خليتها تشيل الكاس
..
يااااارب بحاجتك موقف ما انسى الحاله الي عشتها ابد
.. في هالوقت دق علي زوجي وقلي بيجي

وش اسوي وملامح
وجهي وقلقي وين اوديه .. لانه مايعرف بانو عندنا بالعيله احد مصاب
..
صرت افكر لو اصيبت بتني وش بيقولون اهله .. وش
موقفهم ؟
بيسحبون مني الباقين ..وبيخافون مني لاني جلست
معه .. ويمكن يطلقني .. يااااه اشياء كثيرة وفضيعه
زينها الشيطان ولعب براسي لعب .. جا الابو واول ما شافني قلي وش فيك قلت
مافي شي وعيوني تصب .. والله تصب معدها تدمع
وبالسوال
الثاني خريت كل الي عندي .. واساني وهداني رغم اني شفت قلقه شوي .. قلي ادعي انها
ماشربت
والله اني جلست على السجاده وانا ماعلي صلاة
طلبت من رب العالمين ان يرحمني ولايوريني ما اكرة بعيالي وتكون
ماشربت
واول ماسمعت صوت بوري الباص تبعها فزينا انا
وابوها وامي جت ترض من جوا .. ياعمري وباين عليه كانت تبكي

دخلت وسالناها .. شربتي
هههههههههه يالله
موقف يبكي ويضحك
قالت وش شربت ..
شربتي من العصير الي بعد خالد
قالت
......................... لا
بعد مليون سوال وتحبب
وترجي ومغريات مني من ابوها من امي ... نبيها تغير ال لا الحمدالله رب العالمين صار
لا ......

اعذرني يالمصاب اعذريني يالمصابه اعذروني
يا اهلهم مكانكم مو بينا .. اسفه من كل قلبي اسفه
واسفه واسفه لكن .. ممكن هالمرة عدت على خير المرة اجايه
لا

احرجتنا واحرجت نفسك .. لو تشوفون ياعمري وضعه
مرة جاء وهم يتغدون كمان نسو وقالوله تعال تغدى قال شبعان
وبعد ماخلصو قال حطولي شوي .. كان مايبي ياكل معهم بنفس
الصحن

ليه .. ليه .. تحطون نفسكم بمواقف صعبه والله
لو يدري وش سوا قيني وايش جاني كان حرم يروح لحد
انا
بعد هاليوم مرضت وارتفعت حرارتي ما ادري من الشمس الي كنت جالسه فيها ولا
روعه

جاهم مرة ثانيه والله اني الملم عيالي تلملم
ماتسوى عليك ياعيني والله ماتسوى .. مستحيل تعيشون بينا مثل اول
لاتطالبون يااسرالمصابين بمعاملتهم بشكل عادي مستحيل .. هذا فايروس ومو
اي فايروس ..

شافه ولدي الصغير عمره خمس سنين مرة
ببيت خالتي وسلم عليه وباسه مع ثمه .. شفته اقسم بالله اني مغسله ثمق
بديتول
وخليته يتمضمض فيه .. والله حاله صعبه عليه وعلي
وعلى كل الامهات وكل الناس ..

عيش وتهنى وروح وتعال
بس مع الي مثلك .. اسفه ولحد يقولي لان ماحطيتي نفسك مكانه
بس انتوا حطو نفسكم مكاني ..

الحين ابي رايكم فالموضوع

هل صحيح تصرفات هالمراه

هل لخوفها عىل عيالها مبرر

من خلال معلوماتك عن هالمرض هل تعذر هالمرأة على تصرفها

ما هو موقفك اخي واختي اتجاه هالمصاب او المريض

انتضر اجاباتكم بكل صدق وصراحه

وبعدين راح اطرح رائيي الشخصي

موضوع وااايد حساس ومهم اخوي
:
:
:
اناا من رايي يمكن كانت المرااة خايفة على بنتهاا كثير

يعني لكل شي حدود
والمريض مصاااب بالمرض رااح المستشفي
وتعااالج
وطلع
يعني لو كاان المرض ينتشر ما كاان طلعوة من المستشفي

واحناا نعرف ان مرض الايدز ما ينتقل بطرق سهلة ومبااشرة

ولكل شخص لة حق بأنة يعيش ويشوف النااس

ومايصير نعاملة هذي المعااملة
بالعكس نعاملة احسن ومثل اول

ويكون هنااك حذر بس ما بهذي الطريقة

- - - -

هذي وجهة نظري
ويعطيك العافية الهاجس ع الموضوع

الله يعافيج اختي ملاذ

كلامك صحيح هالمرض بالذات ما ينتقل بالطرق المباشره او عن طريق
المعايشه

alhajs كتب:: الله يعافيج اختي ملاذ

كلامك صحيح هالمرض بالذات ما ينتقل بالطرق المباشره او عن طريق
المعايشه

صح...بس كثير نااس مايعرفون هذاا الشي

والاسف يحرجون المريض بتصرفاتهم

والحين الطب تطور...والمستشفياات ما تخلى المرضي يطلعون من المستشفى وهم يعرفون انة في خطر على الناااس

بالعكس المرضى حاليا وخصوصا الحاضنين للمرض يعملولهم نأهيل وبعدين يطلعو للحياة مرة ثانيه

ويزوجوهم بعد بس عاد شرط تكون الزوجه حاضنه للمرض وبشرط عدم الانجاب بعد

كلامك صحيح الهاجس...وهذا شي بات معروف

ولكن هناك من هم لايعرفون ....للاسف