الله يسامح غـــلاك ويلعن الحــــاجهـ ( ابن فطيس)

السلام عليكم ورحمة الله وبركاتهـ ,,

اليوم اضع لكم قصيده في هذا المكان الذي طالما احتضن نقل الذائقه الرائعه جدا .. لذلك كان الاحرى بي ان يكون حضوري في هذا القسم بحجم ما اجده منكم جميعا من الحضور المميز
محمد بن حمد بن فطيس المري .. ( شاعري المفضل )
لا يحتاج لمقدمات ..
واستعدوا للسفر داخل هذا النص الخرافي ..

الله يسامح غـــلاك ويلعن الحــــاجهـ ( ابن فطيس) 375537118

غيبتك لو هـي دقيقـه تعتبـر صـدّه
الوقت دونك سجـن وغيابـك اسياجـه

لا تعتذر لي تـرى ماعـاد فـي شـدّه
اعيد حكي ٍ يكـود الصـدر مخراجـه

دامـه يوصـف بجـود ابيـك وبجـدّه
وشلون تبخل على المجروح بعلاجـه؟

ووشلـون قـاوااك قلبـك رده وصـدّه
مع انه بيّن عليـه الضعـف والحاجـه

ياقـو قلـبـك بــرد ايميـنـك وردّه
بخلت بمصافحـه وارهيـت بحراجـه

لو ماسقى غيم عينـه جرهـدي خـدّه
تـراه يبكـي وقلبـه يلحـق اخلاجـه

ولو شفته يمازحـك تـراه مـن جـدّه
الضحك عن درب ضيق الصدر ماعاجه

غير الغلا والولـه عليـك وش حـدّه؟
يـادرب ليلـه ويامسـراه وسـراجـه

كنّه يعرفـك قبـل يلقـاك مـن مـدّه
مـع ان مابينـك ومـا بينـه امواجـه

هـواك بـدو ٍ نـووا للقلـب بالشـدّه
ورياض قلبي لشـوف البـدو محتاجـه

والوصل..بحر ٍ متى انت بتسمح ابمـدّه
السيف صبري وبحرك شـح بامواجـه

قصيـدي اللـي قريتـه واللـي اعـدّه
قديـم لا يزعلـك معنـاه واخـراجـه

وفراغ قلبي غلاك ارهـى علـى سـدّه
ليتك تشوف الغـلا وابراجـه وعاجـه

اقوى ريـاح العـذل مـا تقـدر تهـدّه
والا الجفا لـو تنفـس هـدم ابراجـه

تغانـم الوصـل لـن البعـد لابــدّه
ياتيك في يـوم ثـم ياخـذك بادراجـه

اللي لـي انـك تليـن وتتـرك الشـدّه
واللي لك اني ما سولف بـك لهراجـه

ولاني بزعلان واللـي نرتجـي مـدّه
يا بـاب قلبـي ويـا قفلـه ومزلاجـه

زعلة تغلي ومـن تزعلـه مـن قـدّه
ما دام كـل ٍ يبـي دربـك ومنهاجـه

غالي وتبخـل علـي وتطّـول الصـدّه
الله يسامـح غـلاك ويلعـن الحاجـه

وعليكم السلام

طبعا سكون .. بن فطيس ما يباله تعريف

وأشكرك على نقلك للقصيده الرائعه

يسلمو ويعطيك العافيه

كنّه يعرفـك قبـل يلقـاك مـن مـدّه
مـع ان مابينـك ومـا بينـه امواجـه
....
انتقاء ذووووق للقصيده يا سكون
لا هنتي

لبييييييييييييييييه والله

دووم متميييز ابن فطيسسس بكلماته الراااقييه

تسلمييين اختي ع التمييييز ف الانتقاء

صح لسان قايلها وناقلهاااااا

غالي وتبخـل علـي وتطّـول الصـدّه
الله يسامـح غـلاك ويلعـن الحاجـه