الشعر احساس

شخباركم ؟؟؟

عندي لكم قصيدة وأتمنى إنها تعجبكم
هذي قصيدة من تأليف أحد أقربائي
وأسمه "هيثم المرزوقي "
وأتمنى أنكم تقيموه إذا أعجبتكم أو لا


لقصيده تقول :

الشعر نبض وترجمان المشاعر
والأحساس نعمه والشعر إحساس

وأرتب بيوتي وافخر واكابر
بأني مميز من بين هالناس

وانسى إلي مضى واعايش الحاظر
واتجنب الإحراج لأني حيل حساس

وامسح غبرة الصوره واطالع ف المناظر
واشوف الحقيقه كما شمس الغلاس

اشوف الشقى والهم وكسر الخواطر
اشوف ناس تنعز وناس تنداس

واشوف الغدر بعيوني وطعن الخناجر
اشوف الألم والحزن والقهر واليأس

شخص يعيش بالترف وغيره ع الجوع صابر
وشخص يحسب ارباحه وغيره يعلن الأفلاس

وضع اليوم محزن والساتر الله ع وضع باكر
و الوقت يسقسني الهم كأساً بعد كأس

مع الطيف مع القلم والأحزان ساهر
مع كأسة الشاي ساهر مع القرطاس

اهمس للقلم ويكتب معانات شاعر
والأحساس نعمه والشعر إحساس

يسلم حالك أخوي

مشكور م قصرت

ابدااااع
القصيدة واااايد حلوة

بصراااحه ناابعه من احساس صااادق

الى الامام للاخ هيثم
وتسلمي ميمو ع النقل

صح السان كاتبهاااا

يسلم على الطرح وننتظر اليديد

تسلمون جميعا ع المرور

ولكم أجمل تحيه و شكر من عند هيثم