أكتب بيتين شعر للي في بالك

طير ياللي تطير من فوق الشجر
وصل المكتوب من بعد السلام
وصله ياطير مااطيق الصبر
بلغ المحبوب قله ذا الكلام
ماتفيد انجوم لا غاب القمر
عالمن مظلم وكاسيه الظلام
يوم ياتي الليل في نصف الشهر
عادته وهاج بدرن بالتمام
ياقمر وين انت طولت السفر
عقبكم كل يوم هو بالفين عام

تبسّم و خلّ البشاير تجي لي
الى متى و هي حبيسات الادراج .
. يكفي اشوفك غير عن كلّ جيلي
و اشوف لك عن باقي الناس منهاج .

لي عـــزةٍ واشيلها بصــدري وسام
واصبر على جور الزمن والعــذابي

يكفي أمـــاني مالـــها حد واحــلام
ما ارضــي بها لو راح فيها شبابي

اشتقت لك وانهرت من كثر ما اشتقت
والشوق فيني مستبدٍ وصايل .
. أرجوك ترفق بي ترى جد ما طقت
صبري نفد مني وكل الوسايل

ما عدت اجامل شخص ميت ضميره
انسان ماتت به مفاهيم الانسان

انا مع اهل الطيب لي الف سيره
ولا انت مالك مع اهل الطيب عنوان

عجيب امر البشر والله احد ناكر واحد منان
وحد يتصنع الطيبه واحد جاسي ما يلين


واحد يبني من الامه مدينه كلها احزان
وحد فوق الجروح يدوس وما همه سكاكيني


وانا وسط البشر عايش زهور مالها الوان
ولو حاولت الونها فشلت ف ضبط تلويني

لو كان حبري كالمحيط الهادي
وكانت أوراقي كما المعموره
أكتب حنيني لك بخطي العادي
ماتكفي أوراقي ولا السبوره
مشتاق لك والشوق فيني بادي
رسمت لك في وسط عيني صوره

كل ما جيت ابتدي فيك انتهيت
وكل ماجيت انتهي شفتك بداية

ان كتبتك حرف شفتك الف بيت
وان كتبتك بيت شفتك لي روايه

يا اجمل الناس في قلبي وفي عيني
يا احلى طيف يمر العين ويشفيها

انا اشهد ان لك غلا مبطي وهو فيني
قصه غريبه ولا ادري ويش اسميها

للفرح يوم هليت في قلبي هبوب
ما اظلم زماني يوم عن الكون غايب

لك بسمه تتملك الكون بالطيب
ولك نظره سوت بروحي العجايب