ياا هوووو زمن

بقطع علاقاتي مع الناس وأغيب.
عن مجتمع مابه مواليف وأحباب.
اللي يقدم طيب مايجني الطيب.
وإحسانهم يهالبشر صار بحساب.
كم لي وأنا أكتب عن الحب وأجيب.
اللي قلم غيري بغى ولا بعد جاب.
لو كان يدري هالقلم بالمواجيب.
ما مات بأسباب الجفا منه كتاب.
نكبر ونكتب عمرنا زيف ونشيب.
ما ندري إن العمر بأغلاطنا شاب.
نشتم زمنا ونعذر النفس ونعيب.
ياهو زمنا لو نطق للبشر عاب.
نبني أمانينا على تصيب وتخيب.
ياكيف بس تصيب والحظ كذاب.
كل عام وأحبابي على صحبة الجيب.
كل عام وأحبابي على الصحبه أغراب.
كل عام وأيام الجفا مابها ريب.
كل عام يسكن داخلي ويرحل أصحاب.
كل عام وأحزاني بلا أي ترتيب.
كل عام وأحد بضيقتي يطرق الباب.
ياذيب لا تشره على الوضع ياذيب.
لا بح صوتك بك ولا ردوا أذياب.
ماودي أعض أصبعي زود وأغيب.
فم الندم ياصاحبي مابه أنياب.
اللي يقدم طيب يجني له الطيب.
لكن على قول المثل طيب بحساب!!

اللي يقدم طيب يجني له الطيب.
لكن على قول المثل طيب بحساب!!

ابيييات رااااائعه ومتنااااسقه
................

كلك ذوووووق

يعطيك العافيه يالطيب


يااااااااهوووووو

شكرا لﻹشخاص اللي اهتموا بمعنى القصيده وفهموها........... مقصوده